Romnick Sarmenta, muli nanamang bumanat sa gobyerno patungkol sa confidential funds

Romnick Sarmenta / Photo credit to the owner

Muli nanamang nagpasaring ang aktor na si Romnick Sarmenta patungkol sa confidential funds ng gobyerno, sa isang tweet nitong Lunes, Mayo 8.

“Bakit nakakairita ang mga confidential funds? Dahil may mga kalyeng binabaha. Sa halip na iukol sa sewage and canals, better waste management, at subsidies para sa mga public services, nauuwi sa patagong paggastos ng ambag ng mamamayan. At hindi kayo inuuna.”

Ang confidential funds o kaya naman ay intelligence funds, ay tumutukoy sa “lump sum allocations set aside in the national budget for expenses that involve surveillance and intelligence information gathering activities.”

Nagkaroon ng guidelines sa pagkakaroon ng confidential at intelligence funds sa pamamagitan ng 2015 joint circular ang Commission on Audit (COA), Department of Budget and Management (DBM), Department of the Interior and Local Government, Governance Commission for Government-Owned and Controlled Corporations (GCG) at Department of National Defense.

Naging usap-usapan sa social media ang naging request nina Pangulong Ferdinand Marcos, Jr. at Vice President Sara Duterte na magkaroon ng confidential funds sa kani-kanilang mga opisina.

Bilang kalihim ng Department of Education (DepEd), pinapayagan ang confidential expenses sa civilian offices, kabilang ang DepEd batay sa DBM Joint Circular 2015-01.

***