Labis-labis ang pag-aalala at pagkabahala ng isang ina matapos ang hindi malilimutang pangyayari sa kanyang anak nang sila ay magtungo sa isang mall.
Photo credit: Paula Bandola-Mohamed
Mabilis na nag-viral sa social media ang post ng netizen na si Paula Bandola-Mohamed dahil sa babala at paalala nito sa mga kapwa niya magulang na bantayang mabuti ang kanilang mga anak sa tuwing magpupunta sa mall at sasakay ng eskalator.
Sa kanyang Facebook post, sinabi ni Paula na hindi niya lubos akalaking mangyayari sa kanila ang madalas ay nakikita lamang niya sa social media.
Kwento niya, wala pa umanong ilang segundo nang siya ay malingat habang nakasakay sila ng escalator ay naipit na ang isang paa ng kanyang anak.
Mabuti na lamang at nasa kalagitnaan pa lamang sila ng eskalator dahil kung umabot sila sa dulo ay baka naputol na raw umano ang paa ng kanyang anak.
Aniya, “Mga namuong dugo sa daliri at pamamaga ng bahagya lang ang natamo nya. Di ko na maimagine pano kung mas malala pa.”
Photo credit: Paula Bandola-Mohamed
Nakiusap si Paula na i-share ang kanyang Facebook post upang magbigay babala at paalala sa mga kapwa niya magulang.
Narito ang kanyang buong post:
“Akala ko sa Facebook posts ko lang makikita ung ganitong eksena.
Nangyari na nga kay Amirah. Wala pang ilang segundo akong nakalingat sa paa nya. Ito na ang nagyari. Nacurious cguro kasi may brush ung ESCALATOR sa SM north sanay sya sa ever gotesco walang brush eh kita agad ung gilid. Di ko maimagine pano kapag malapit na sa end ung pagkakaipit nya My God putol na sana paa nya.
Buti nalang sa may kalagitnaan pa. Mga namuong dugo sa daliri at pamamaga ng bahagya lang ang natamo nya. Di ko na maimagine pano kung mas malala pa.
Mas magiging aware na ako sa escalator kapag may kasama akong bata more than ever.
Please share. Para aware din ung ibang mommies. Nakakabaliw ung experience. Lalo na para sa bata.”
***
Source: Paula Bandola-Mohamed | Facebook
0 Comments